Di 18ê Reşemeha 2021an de, Yekîtîya Ewropayê bi rêya “koma Kongirê Brûksilê yê pencemîn” dest bi şandina vexwendinên hazirbûnê yên (Brûksil 5), derbarê pêşeroja Sûrîyayê û navçeyê, û herwiha daxwaza pişkdariyê di hevpeyvînan de bi rêya Internêtê ji Civaka Sivîl kir, û hat xuya kirin ku kesên bi karûbarê Kongirê rabûne, hebûna zimanên xwecehî yên Sûriyê, wekî zimanê Kurdî û yê Siryanî di tevahîya pêwendiyên amadekarîya Kongirê de, wekî şêweyekî misogerkirina nûnertîya tevahîya pêkhateyên Sûrîyayê ye, paşguh kirin e.
Kongirê navbuhurî bi armanca piştgirîya pêşeroja Sûrîyayê û herêmê tê li dar xistin, ji lewma rêxistinên îmzekar dibînin gelekî girînge ku tevahîya pêkhateyan ji xelkên Sûrîyayê bên agahdar kirin bi karê pirojeyeke wiha, ku pêşeroja wan gengeşe dike, û tê de beşdar bibin, nemaze ew komên ku di heyama dehsalên berê ji temenê Sûrîyayê û herêmê de, rastî zordariyê hatine. Herwiha ji bo bi cî anîna armancên çavrêkirî ji Kongirên hevpeyvînî yên wiha bi awayekî dadmend û herdemî, divê ku ew beşdarbûn rasteqîne û xweyî wate be, û danûstendin û gotarên taybet bi beşdarbûyan bi zimanê wan ê dayikê be, çi ku dê ev yek hest bide wan ku ew beşekî rasteqîne ne ji her gavekê yan çareserîyekê ku tê gengeşe kirin.
Axaftin û hevgihiştin bi zimanê dayikê, yek ji mafên mirov ên sereke ye, çi kes û çi kom bin, û divê ku bê rêzgirtin, û rê li pêş beşdarbûyan bê vekirin ku hest û gotarên xwe bi zimanê xwe vebêjin. Lewma, Rêxistinên ku li ser vê nameyê îmze kirine, ji birêveberên Kongirê Brûksilê yê pêncemîn dixwazin ku gavin birêkûpêk bavêjin ji bo berdestkirina zimanên xwecehî li Sûrîyayê, nemaze zimanê Kurdî û yê Siryanî, wekî zimanin sereke di tevahîya qonaxên Kongirê de.
Rêxistinên îmzekar:
- Al Rajaa Organization for Relief and Development
- ASO for Consultancy and Strategic Studies
- ASO News Network
- Civil Cooperation Team
- DAN for Relief and Development
- Dawlaty
- Dernaa for development
- DOZ_Syria
- Euphrates ERDO
- Ezdina Organization
- GAV for Relief and Development
- Hevdestî Association (Taazour) for the Victims of Turkish Military Offensives in NES
- House of Citizenship Organization
- International War and Disaster Victims Protection Association – IPV
- Kurdish legal Committee
- Nabd Team
- NGO PLATFORM in NES
- Peace land
- PÊL- Civil Waves
- Publish Path
- Shar for Development
- Syrian Kurdish Journalists network
- Syrians for Truth and Justice
- TEVN Corporation
- Weqaya